Ələq surəsi

Qovulmuş şeytandan Allaha sığınıram. Rəhman və Rəhim olan Allahın adı ilə.

• Yaradan Rəbbinin adı ilə oxu! (Ələq surəsi, 1)
  
  
• O, insanı ələqdən (laxtalanmış qandan) yaratdı. (Ələq surəsi, 2)
  
  
• Oxu! Rəbbin böyük kərəm sahibidir. (Ələq surəsi, 3)
  
  
• O, qələmi (yazmağı) öyrətdi. (Ələq surəsi, 4)
  
  
• O, insana bilmədiklərini öyrətdi. (Ələq surəsi, 5)
  
  
• Xeyr! Həqiqətən, insan çox azğınlıq edir. (Ələq surəsi, 6)
  
  
• Çünki o, özünün heç bir şeyə ehtiyacı olmadığını düşünür. (Ələq surəsi, 7)
  
  
• Şübhəsiz ki, axır dönüş Rəbbinədir. (Ələq surəsi, 8)
  
  
• Mane olanı gördünmü - (Ələq surəsi, 9)
  
  
• Namaz qılan bir bəndəyə?! (Ələq surəsi, 10)
  
  
• De görək, əgər o bəndə doğru yoldadırsa, (Ələq surəsi, 11)
  
  
• Yaxud təqvanı (Allahdan qorxmağı) əmr edirsə, onda necə?! (Ələq surəsi, 12)
  
  
• De görək, əgər o haqqı yalanlayır və üz döndərirsə, onda necə?! (Ələq surəsi, 13)
  
  
• O bilmirmi ki, Allah (onu) görür?! (Ələq surəsi, 14)
  
  
• Xeyr! Əgər (bu əməllərinə) son qoymazsa, onun kəkilindən tutacağıq (Ələq surəsi, 15)
  
  
• O yalançı, günahkar kəkilindən! (Ələq surəsi, 16)
  
  
• Qoy o öz tərəfdarlarını çağırsın. (Ələq surəsi, 17)
  
  
• Biz də zəbaniləri (cəhənnəm mələklərini) çağıracağıq. (Ələq surəsi, 18)
  
  
• Xeyr, ona boyun əymə! Səcdə et və (Rəbbinə) yaxınlaş! (Ələq surəsi, 19)
  
  

Əsas Səhifə