Tariq surəsi

Qovulmuş şeytandan Allaha sığınıram. Rəhman və Rəhim olan Allahın adı ilə.

• And olsun göyə və tariqə (gecə yolçusuna)! (Tariq surəsi, 1)
  
  
• Sən haradan biləsən ki, tariq nədir?! (Tariq surəsi, 2)
  
  
• O, qaranlığı yarıb keçən ulduzdur. (Tariq surəsi, 3)
  
  
• Elə bir kimsə yoxdur ki, onun üstündə (əməllərini yazan) nəzarətçi bir mələk olmasın! (Tariq surəsi, 4)
  
  
• İnsan nədən yaradıldığına bir nəzər salsın! (Tariq surəsi, 5)
  
  
• O, atılan bir sudan yaradılmışdır. (Tariq surəsi, 6)
  
  
• O su bel və köks sümüklərinin arasından çıxar. (Tariq surəsi, 7)
  
  
• Şübhəsiz ki, Allah onu təkrar diriltməyə də qadirdir. (Tariq surəsi, 8)
  
  
• O gün bütün sirlər ortaya çıxarılacaqdır. (Tariq surəsi, 9)
  
  
• Onun nə gücü, nə də köməkçisi olacaqdır. (Tariq surəsi, 10)
  
  
• And olsun geri dönən səmaya! (Tariq surəsi, 11)
  
  
• And olsun (bitkilərin bitməsi üçün) yarılan yerə! (Tariq surəsi, 12)
  
  
• Həqiqətən, o (Quran haqq ilə batili), ayırd edən bir kəlamdır. (Tariq surəsi, 13)
  
  
• O, əyləncə deyildir. (Tariq surəsi, 14)
  
  
• Onlar hiylə qururlar. (Tariq surəsi, 15)
  
  
• Mən də hiylə qururam. (Tariq surəsi, 16)
  
  
• Ona görə də inkar edənlərə möhlət ver! Onlara bir az da möhlət ver! (Tariq surəsi, 17)
  
  

Əsas Səhifə