Mutaffifin surəsi — Quran ayələri | AyeAxtar.com
Mutaffifin surəsi
Qovulmuş şeytandan Allaha sığınıram. Rəhman və Rəhim olan Allahın adı ilə.
-
Çəkidə və ölçüdə aldadanların vay halına!
(Mutaffifin surəsi, 1)
📋
-
Onlar insanlardan bir şey satın aldıqları zaman tam ölçər,
(Mutaffifin surəsi, 2)
📋
-
Başqaları üçün bir şey ölçdüklərində, yaxud çəkdiklərində isə əskik ölçüb-çəkərlər.
(Mutaffifin surəsi, 3)
📋
-
Onlar təkrar dirildiləcəklərini düşünmürlərmi?
(Mutaffifin surəsi, 4)
📋
-
(Həm də) böyük bir gündə!
(Mutaffifin surəsi, 5)
📋
-
O gün insanlar aləmlərin Rəbbinin hüzurunda duracaqlar.
(Mutaffifin surəsi, 6)
📋
-
Xeyr! Şübhəsiz, günahkarların əməl dəftəri Siccindədir!
(Mutaffifin surəsi, 7)
📋
-
Sən haradan biləsən ki, Siccin nədir?
(Mutaffifin surəsi, 8)
📋
-
O, yazılmış bir kitabdır.
(Mutaffifin surəsi, 9)
📋
-
O gün yalanlayanların vay halına!
(Mutaffifin surəsi, 10)
📋
-
O kəslər ki, haqq-hesab gününü yalanlayırlar.
(Mutaffifin surəsi, 11)
📋
-
Onu yalnız həddini aşan günahkarlar yalanlayarlar.
(Mutaffifin surəsi, 12)
📋
-
Ayələrimiz ona oxunduğu zaman: “Bu, əvvəlkilərin əfsanələridir!” – deyər.
(Mutaffifin surəsi, 13)
📋
-
Xeyr! Əksinə, qazandıqları günahlar onların qəlbini bürümüşdür (kirlətmişdir).
(Mutaffifin surəsi, 14)
📋
-
Xeyr! Həqiqətən, o gün onlar Rəbbindən (Onu görməkdən) məhrum ediləcəklər.
(Mutaffifin surəsi, 15)
📋
-
Sonra şübhəsiz ki, onlar cəhənnəmə girəcəklər.
(Mutaffifin surəsi, 16)
📋
-
Sonra belə deyiləcəkdir: “Yalan saydığınız (cəhənnəm) budur!”
(Mutaffifin surəsi, 17)
📋
-
Xeyr! Şübhəsiz ki, yaxşı əməl sahiblərinin əməl dəftəri İlliyyundadır!
(Mutaffifin surəsi, 18)
📋
-
Sən haradan biləsən ki, İlliyyun nədir?
(Mutaffifin surəsi, 19)
📋
-
O, yazılmış bir kitabdır.
(Mutaffifin surəsi, 20)
📋
-
Onu Allaha yaxın olan mələklər görə bilərlər.
(Mutaffifin surəsi, 21)
📋
-
Şübhəsiz ki, yaxşı əməl sahibləri (cənnətdə) nemətlər içində olacaqlar.
(Mutaffifin surəsi, 22)
📋
-
Onlar taxtlarda əyləşib ətrafı seyr edəcəklər.
(Mutaffifin surəsi, 23)
📋
-
Onların üzündə nemətlərin sevincini görərsən.
(Mutaffifin surəsi, 24)
📋
-
Onlara möhürlü qablardakı xalis şərabdan içirdiləcəkdir.
(Mutaffifin surəsi, 25)
📋
-
Onun sonu müşkdür (içildikdən sonra müşk qoxusu verər). Qoy yarışanlar bunun üçün yarışsınlar!
(Mutaffifin surəsi, 26)
📋
-
Ona Təsnim suyu qatılmışdır.
(Mutaffifin surəsi, 27)
📋
-
O, Allaha yaxın olanların su içdikləri bir bulaqdır.
(Mutaffifin surəsi, 28)
📋
-
Həqiqətən, günahkarlar iman edənlərə gülürdülər.
(Mutaffifin surəsi, 29)
📋
-
Onların yanından keçdikləri zaman bir-birinə qaş-göz edirdilər.
(Mutaffifin surəsi, 30)
📋
-
Öz ailələrinin yanına (bu etdikləri ilə) fərəhlənərək qayıdırdılar.
(Mutaffifin surəsi, 31)
📋
-
Onlar möminləri gördükləri zaman: “Bunlar doğru yoldan azanlardır!” - deyirdilər.
(Mutaffifin surəsi, 32)
📋
-
Halbuki (həmin günahkarlar) onlara nəzarətçi göndərilməmişdilər.
(Mutaffifin surəsi, 33)
📋
-
Artıq bu gün, (axirət günü) möminlər inkar edənlərə gülürlər.
(Mutaffifin surəsi, 34)
📋
-
Onlar taxtlarda əyləşərək ətrafı seyr edəcəklər.
(Mutaffifin surəsi, 35)
📋
-
İnkar edənlər etdiklərinin cəzasını aldılarmı?! (Əlbəttə, aldılar!)
(Mutaffifin surəsi, 36)
📋
