Əbəsə surəsi

Qovulmuş şeytandan Allaha sığınıram. Rəhman və Rəhim olan Allahın adı ilə.

• O qaşqabağını töküb üzünü çevirdi, (Əbəsə surəsi, 1)
  
  
• Kor adam yanına gəldiyinə görə. (Əbəsə surəsi, 2)
  
  
• Sən haradan bilirsən, bəlkə o (günahlardan) təmizlənəcəkdi. (Əbəsə surəsi, 3)
  
  
• Yaxud öyüd alacaq və bu öyüd ona fayda verəcəkdi. (Əbəsə surəsi, 4)
  
  
• Ancaq (öyüd-nəsihətə) ehtiyac duymayana gəldikdə, (Əbəsə surəsi, 5)
  
  
• Sən ona yönəlirsən. (Əbəsə surəsi, 6)
  
  
• Halbuki sən onun (günahlardan) təmizlənməməsindən məsul deyilsən. (Əbəsə surəsi, 7)
  
  
• Sənin yanına qaça-qaça gələn, (Əbəsə surəsi, 8)
  
  
• (Allahdan) qorxan kimsəyə gəldikdə, (Əbəsə surəsi, 9)
  
  
• Sən onunla maraqlanmırsan. (Əbəsə surəsi, 10)
  
  
• Xeyr! Həqiqətən, bu (Quran) bir öyüddür. (Əbəsə surəsi, 11)
  
  
• İstəyən hər kəs ondan öyüd alar. (Əbəsə surəsi, 12)
  
  
• O (Quran) çox şərəfli səhifələrdədir, (Əbəsə surəsi, 13)
  
  
• Yüksək, pak (səhifələrdə)! (Əbəsə surəsi, 14)
  
  
• O, katiblərin (mələklərin) əllərindədir, (Əbəsə surəsi, 15)
  
  
• Şərəfli və itaətkar (mələklərin əllərində)! (Əbəsə surəsi, 16)
  
  
• Ölsün (inkar edən) insan! O necə də nankordur! (Əbəsə surəsi, 17)
  
  
• Allah onu nədən yaratdı?! (Əbəsə surəsi, 18)
  
  
• Onu nütfədən yaratdı və ona nizam verdi. (Əbəsə surəsi, 19)
  
  
• Sonra onun üçün yolu asanlaşdırdı. (Əbəsə surəsi, 20)
  
  
• Sonra onun canını aldı və onu qəbrə qoydu. (Əbəsə surəsi, 21)
  
  
• Sonra istədiyi vaxt onu dirildəcəkdir. (Əbəsə surəsi, 22)
  
  
• Xeyr! O, Allahın əmrini hələ yerinə yetirməyib. (Əbəsə surəsi, 23)
  
  
• Elə isə insan yediklərinə bir nəzər salsın! (Əbəsə surəsi, 24)
  
  
• Şübhəsiz ki, Biz (göydən) bol-bol su endirdik. (Əbəsə surəsi, 25)
  
  
• Sonra yeri çat-çat yardıq. (Əbəsə surəsi, 26)
  
  
• Beləcə orada dənli bitkilər bitirdik. (Əbəsə surəsi, 27)
  
  
• Üzüm, yonca, (Əbəsə surəsi, 28)
  
  
• Zeytun, xurma, (Əbəsə surəsi, 29)
  
  
• Sıx ağaclı bağlar, (Əbəsə surəsi, 30)
  
  
• Meyvələr və otlar bitirdik. (Əbəsə surəsi, 31)
  
  
• Bunlar həm sizin, həm də heyvanlarınızın faydalanması üçündür. (Əbəsə surəsi, 32)
  
  
• Qulaqları kar edən (surun ikinci dəfə çalınma vaxtı) gəldiyi zaman, (Əbəsə surəsi, 33)
  
  
• O gün insan qaçacaq öz qardaşından, (Əbəsə surəsi, 34)
  
  
• Anasından, atasından, (Əbəsə surəsi, 35)
  
  
• Zövcəsindən və övladlarından. (Əbəsə surəsi, 36)
  
  
• O gün onlardan hər birinin yetərincə işi olacaq. (Əbəsə surəsi, 37)
  
  
• O gün elə üzlər vardır ki, parlayacaq, (Əbəsə surəsi, 38)
  
  
• Güləcək və sevinəcəkdir. (Əbəsə surəsi, 39)
  
  
• O gün elə üzlər də vardır ki, toz-torpağa bulanacaq. (Əbəsə surəsi, 40)
  
  
• Onları qaranlıq bürüyəcək. (Əbəsə surəsi, 41)
  
  
• Onlar inkar edənlər və günahkarlardır. (Əbəsə surəsi, 42)
  
  

Əsas Səhifə