Rəhman surəsi

Qovulmuş şeytandan Allaha sığınıram. Rəhman və Rəhim olan Allahın adı ilə.

• Rəhman (mərhəmətli Allah)! (Rəhman surəsi, 1)
  
  
• Quranı öyrətdi. (Rəhman surəsi, 2)
  
  
• İnsanı yaratdı. (Rəhman surəsi, 3)
  
  
• Ona danışmağı öyrətdi. (Rəhman surəsi, 4)
  
  
• Günəş və ay müəyyən bir ölçüyə görə hərəkət edir. (Rəhman surəsi, 5)
  
  
• Bitkilər də, ağaclar da Allaha səcdə edir. (Rəhman surəsi, 6)
  
  
• O, göyü ucaltdı və mizanı (tərəzini) qoydu ki, (Rəhman surəsi, 7)
  
  
• Tərəzidə həddi aşmayasınız. (Rəhman surəsi, 8)
  
  
• Tərəzidə ədalətə riayət edin və çəkini əskiltməyin! (Rəhman surəsi, 9)
  
  
• O, yer üzünü canlılar üçün yaratdı. (Rəhman surəsi, 10)
  
  
• Orada meyvələr və salxımlı xurma ağacları var. (Rəhman surəsi, 11)
  
  
• Saçaqlı dənli və xoş ətirli bitkilər var. (Rəhman surəsi, 12)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 13)
  
  
• O, insanı saxsı kimi quru palçıqdan yaratdı. (Rəhman surəsi, 14)
  
  
• Cinləri də tüstüsüz oddan yaratdı. (Rəhman surəsi, 15)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 16)
  
  
• O, iki məşriqin də, iki məğribin də Rəbbidir. (Rəhman surəsi, 17)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 18)
  
  
• O, yan-yana duran iki dəniz meydana gətirdi. (Rəhman surəsi, 19)
  
  
• Onların arasında maneə var və buna görə də bir-birinə qarışmazlar. (Rəhman surəsi, 20)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 21)
  
  
• Hər ikisindən də inci və mərcan çıxar. (Rəhman surəsi, 22)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 23)
  
  
• Dənizdə uca dağlar kimi üzən gəmilər də Onundur. (Rəhman surəsi, 24)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 25)
  
  
• Yer üzündəki hər kəs fanidir. (Rəhman surəsi, 26)
  
  
• Əzəmətli və kərəm sahibi Rəbbinin zatı isə əbədidir. (Rəhman surəsi, 27)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 28)
  
  
• Göylərdə və yerdə kim varsa, hamısı Ondan istəyər. O hər gün (hər an) bir işdədir. (Rəhman surəsi, 29)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 30)
  
  
• Ey ağır yükü olan (insan və cin tayfası)! Sizə də (haqq-hesab üçün) vaxt ayıracağıq. (Rəhman surəsi, 31)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 32)
  
  
• Ey cin və insan tayfası! Əgər göylərin və yerin hüdudlarını keçib getməyə gücünüz çatırsa, keçin! Qüdrətiniz olmadan əsla keçə bilməzsiniz. (Rəhman surəsi, 33)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 34)
  
  
• Sizin üstünüzə oddan bir alov və tüstü göndərilər və siz bir-birinizə kömək də edə bilməzsiniz. (Rəhman surəsi, 35)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 36)
  
  
• Sonra göy yarılıb, yağ kimi əriyib qıpqırmızı gül olduğu zaman; (Rəhman surəsi, 37)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 38)
  
  
• O gün insana da, cinə də günahı soruşulmaz. (Rəhman surəsi, 39)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 40)
  
  
• Günahkarlar simalarından tanınar, kəkillərindən və ayaqlarından yaxalanarlar. (Rəhman surəsi, 41)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 42)
  
  
• Bu, günahkarların yalanladıqları cəhənnəm odudur! (Rəhman surəsi, 43)
  
  
• Onlar odla qaynar su arasında dolaşıb durarlar. (Rəhman surəsi, 44)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 45)
  
  
• Rəbbinin hüzurundan (Ona hesab verməkdən) qorxanlar üçün iki cənnət vardır. (Rəhman surəsi, 46)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 47)
  
  
• Hər ikisində də növbənöv ağaclar vardır. (Rəhman surəsi, 48)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 49)
  
  
• İkisində də iki axar bulaq vardır. (Rəhman surəsi, 50)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 51)
  
  
• İkisində də hər meyvədən iki növ vardır. (Rəhman surəsi, 52)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 53)
  
  
• (Cənnət əhli) astarları atlazdan olan döşəklərə söykənəcəklər. Hər iki cənnətin meyvələri (dərə bilmələri üçün onlara) yaxın olacaqdır. (Rəhman surəsi, 54)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 55)
  
  
• Orada gözləri ərindən başqasını görməyən qadınlar vardır. Bundan əvvəl onlara nə bir insan, nə də bir cin toxunmuşdur. (Rəhman surəsi, 56)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 57)
  
  
• Onlar sanki yaqut və mərcandırlar. (Rəhman surəsi, 58)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 59)
  
  
• Yaxşılığın əvəzi ancaq yaxşılıqdır! (Rəhman surəsi, 60)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 61)
  
  
• O ikisindən əlavə iki cənnət də vardır. (Rəhman surəsi, 62)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 63)
  
  
• Hər ikisi yamyaşıldır. (Rəhman surəsi, 64)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 65)
  
  
• O ikisində fışqıran iki bulaq vardır. (Rəhman surəsi, 66)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 67)
  
  
• İkisində də hər cür meyvə, xurma və nar vardır. (Rəhman surəsi, 68)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 69)
  
  
• Orada xoşxasiyyətli və gözəl simalı qadınlar vardır. (Rəhman surəsi, 70)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 71)
  
  
• Çadırlarda gözləri ərlərindən başqasını görməyən qadınlar vardır. (Rəhman surəsi, 72)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 73)
  
  
• Onlara bundan əvvəl nə bir insan, nə də bir cin toxunmuşdur. (Rəhman surəsi, 74)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 75)
  
  
• (Cənnət əhli) yaşıl mütəkkələrə və gözəl naxışlı döşəkcələrə söykənəcəklər. (Rəhman surəsi, 76)
  
  
• Elə isə Rəbbinizin hansı nemətlərini inkar edə bilərsiniz?! (Rəhman surəsi, 77)
  
  
• Əzəmət və kərəm sahibi olan Rəbbinin adı çox ucadır! (Rəhman surəsi, 78)
  
  

Əsas Səhifə