Qovulmuş şeytandan Allaha sığınıram. Rəhman və Rəhim olan Allahın adı ilə.
Ona görə də Allaha, elçisinə və nazil etdiyimiz nura (Qurana) iman edin! Allah sizin etdiklərinizdən xəbərdardır.
(Təğabun surəsi, 8)
Biz sənə əmrimizdən olan bir ruhu (Quranı) vəhy etdik. Sən kitabın və imanın nə olduğunu bilmirdin. Lakin Biz onu bəndələrimizdən istədiyimizi haqq yola yönəldən bir nur etdik. Həqiqətən, sən (insanları) doğru yola yönəldirsən.
(Şura surəsi, 52)
Ey kitab əhli! Sizə Kitabda gizlətdiklərinizin bir çoxunu bildirmək və bir çoxunu da bağışlamaq üzrə elçimiz gəlmişdir. Həqiqətən, Allahdan sizə bir nur və açıq-aydın bir Kitab gəlmişdir.
(Maidə surəsi, 15)
Onlar ağızları (sözləri) ilə Allahın nurunu söndürmək istəyirlər. Halbuki inkar edənlərin xoşuna gəlməsə də, Allah Öz nurunu tamamlayacaqdır.
(Saff surəsi, 8)
Ey insanlar! Sizə Rəbbinizdən bir dəlil gəlmişdir. Biz sizə açıq-aydın bir nur (Quran) nazil etmişik.
(Nisa surəsi, 174)
Əsas Səhifə